தமிழக முதல்வர் விஜய் விரைவில் தில்லி பயணம்

தமிழக முதல்வராக விஜய் பதவியேற்ற பிறகு, குடியரசுத் தலைவர், குடியரசு துணைத் தலைவர், பிரதமர், முக்கிய மத்திய அமைச்சர்கள், காங்கிரஸ் மூத்த தலைவர் சோனியா காந்தி ஆகியோரை முதல்முறையாகச் சந்திப்பதற்காக மே மாத கடைசி வாரத்தில் தில்லி வரவுள்ளார்.

- நமது சிறப்பு நிருபர்

இதற்காக அவரது அலுவலகத்தில் இருந்து குடியரசுத் தலைவர், பிரதமர் மற்றும் மத்திய அமைச்சர்களின் அலுவலகங்களுக்கு நேரம் கேட்டு மின்னஞ்சல் அனுப்பப்பட்டுள்ளது.

பிரதமர் நரேந்திர மோடி ஆறு நாள்கள் அரசுமுறைப் பயணமாக ஐக்கிய அரபு அமீரகம் மற்றும் நான்கு ஐரோப்பிய நாடுகளான நெதர்லாந்து, ஸ்வீடன், நார்வே, இத்தாலி ஆகியவற்றுக்கு சென்றுள்ளார்.

பிரதமர் மே 20-ஆம் தேதி தில்லி திரும்பியதும் அவரைச் சந்திக்கும் நாள் மற்றும் நேரம் ஒதுக்கப்பட்டு முதல்வர் அலுவலகத்துக்குத் தெரிவிக்கப்படும் என்று பிரதமர் அலுவலக வட்டாரங்கள் தெரிவித்தன.