இந்துத்துவ அமைப்புகளின் அரசியல் தமிழகத்தில் எடுபடாது

இந்துத்துவ அமைப்புகளின் வட மாநில அரசியல் தமிழகத்தில் எந்தக் காலத்திலும் எடுபடாது என விடுதலைச் சிறுத்தைகள் கட்சித் தலைவர் தொல். திருமாவளவன் தெரிவித்தார்.

- தொல். திருமாவளவன்

மதுரை/திருப்பரங்குன்றம், ஜூன் 19:

மத நல்லிணக்க மக்கள் கூட்டமைப்பு சார்பில், மதுரையில் வியாழக்கிழமை நடைபெற்ற மனிதச் சங்கிலிப் போராட்டத்தின் நிறைவில் அவர் மேலும் பேசியதாவது:

வட மாநிலங்களில் மதத்தின் பெயரால் மக்களை பிளவுபடுத்துவதற்கு கையாண்ட உத்திகளை இந்துத்துவ அமைப்பினர் தமிழகத்தில் தற்போது சோதித்துப் பார்க்கின்றனர். கடந்த 25 ஆண்டுகளுக்கும் மேலாக அவர்கள் இந்த முயற்சியில் ஈடுபடுகின்றனர். பாபர் மசூதி இடிக்கப்பட்ட நாளில் இருந்தே திருப்பரங்குன்றம் மலை பிரச்னையை இந்துத்துவ அமைப்பினர் கையிலெடுத்து, கூர்மைப்படுத்தி வருகின்றனர். ஆனால், இங்கு இந்து, இஸ்லாம் மக்கள் சகோதரத்துவத்துடன் வாழ்வதால் அவர்களின் முயற்சிகளுக்குப் பலன் கிடைப்பதில்லை.