விவசாயிகள் நலனைவிட பெரு நிறுவனங்களின் நலனுக்கு முன்னுரிமை அளிக்கிறார் பிரதமர்

கேரள வேளாண் அமைச்சர் பி. பிரசாத்

- 

நாகப்பட்டினம், ஏப்.15: விவசாயிகள் நலனைவிட பெரு நிறுவனங்களின் நலனுக்கே பிரதமர் முன்னுரிமை அளிக்கிறார் என்று கேரள வேளாண்மைத் துறை அமைச்சர் பி. பிரசாத் கூறினார்.

நாகையில் இந்திய கம்யூனிஸ்ட் கட்சியுடன் இணைந்த அகில இந்திய விவசாயிகள் சங்கத்தின் மூன்று நாள் தேசிய மாநாடு செவ்வாய்க்கிழமை தொடங்கியது. நாகை தொகுதி மக்களவை உறுப்பினர் வை. செல்வராஜ் வரவேற்புரையாற்றினார்.

மாநாட்டில் கேரள வேளாண்மைத் துறை அமைச்சர் பி. பிரசாத் பேசியதாவது:

வேளாண் சந்தைப்படுத்தல் தொடர்பான தேசிய கொள்கை கட்டமைப்பின் வரைவு கொள்கை நடைமுறைக்கு வந்தால் அது இந்திய விவசாய பொருளாதாரத்திற்கும் அதைச்சார்ந்திருக்கும் லட்சக்கணக்கான மக்களுக்கும் எதிர்மறையான விளைவுகளை ஏற்படுத்தும்.