ஆண்டுகளாக ஏலம் விடப்படாத பலன் தரும் மரங்கள்!

ஆத்தூர் காமராஜர் நீர்த்தேக்கத்திலுள்ள பலன் தரும் மரங்கள் கடந்த 4 ஆண்டுகளாக ஏலம் விடப்படாததால், திண்டுக்கல் மாநகராட்சிக்கு ஆண்டுக்கு சராசரியாக ரூ.10 லட்சம் வருவாய் இழப்பு ஏற்பட்டு வருகிறது.

- நமது நிருபர்

நமது நிருபர் திண்டுக்கல், ஆக. 24:

திண்டுக்கல் மாநகராட்சி மக்களின் பிரதான குடிநீர் ஆதாரமாக ஆத்தூர் காமராஜர் நீர்த்தேக்கம் அமைந்துள்ளது. சின்னாளப்பட்டி, சித்தையன்கோட்டை பேரூராட்சிகளுக்கும், 20-க்கும் மேற்பட்ட வழியோர கிராமங்களுக்கும் இந்த நீர்த்தேக்கம் மூலம் குடிநீர் விநியோகிக்கப்பட்டு வருகிறது. மேலும், இந்த நீர்த்தேக்கம், நரசிங்கபுரம், பாறைப்பட்டி கிராமங்களுக்குள்பட்ட 421 ஏக்கர் பரப்பளவில் அமைந்துள்ளது.

இந்த 2 கிராமங்களிலும் தலா 38 புல எண்களில், 421 ஏக்கர் பரப்பளவும் இடம் பெற்றிருக்கிறது.

இந்த நீர்த்தேக்கத்தின் நீர் உந்து நிலையத்தின் அருகே 300-க்கும் மேற்பட்ட தென்னை மரங்கள், 75 மா மரங்கள், 40 புளிய மரங்கள் என பலன் தரும் மரங்களும், தேக்கு, வேம்பு, தீக்குச்சி உள்ளிட்ட மரங்களும் உள்ளன.