இந்தியாவில் குறைந்து வரும் நுகர்வு சமத்துவமின்மை

இந்தியாவில் நுகர்வு சமத்துவமின்மை குறைந்து வருவதாக பாரத ஸ்டேட் வங்கி (எஸ்பிஐ) தலைமைப் பொருளாதார ஆலோசகர் சௌமியா காந்தி கோஷ், எஸ்பிஐ பொருளாதார நிபுணர் பல்குனி சின்ஹா ஆகியோர் தெரிவித்தனர்.

- 

புது தில்லி, ஜூலை 23:

இதுதொடர்பாக அவர்கள் மேலும் கூறியதாவது: இந்தியாவின் நுகர்வு அடிப்படையிலான சமத்துவமின்மை குறியீடு, 2011-12-இல் 28.8-என்பதிலிருந்து 2022-23-இல் 25.5-ஆக குறைந்துள்ளது என உலக வங்கியின் சமீபத்திய அறிக்கை கூறுகிறது.

நுகர்வு சமத்துவமின்மைக்கும், வருவாய் சமத்துவமின்மைக்கும் இடையே ஒரு கருத்தியல் வேறுபாடு உள்ளது.

பெருமளவில் அமைப்புசாரா பணியாளர்களைக் கொண்ட இந்தியா போன்ற ஒரு நாட்டில், வருவாய் பெரும்பாலும் நிலையற்றதாக மதிப்பிடப்படுகிறது. இதற்கு நேர்மாறாக, நுகர்வு என்பது காலப்போக்கில் மென்மையாகவும் உண்மையான வாழ்க்கைத் தரங்களைப் பிரதிபலிக்கும் விதமாகவும் இருக்கும்.