விசாரணையை வேறு மாநிலத்துக்கு மாற்றக் கோரும் தமிழக அரசின் மனு: விசாரணைக்கு பட்டியலிட ஒப்புதல்

தமிழக அரசு நடத்தும் டாஸ்மாக் நிறுவனத்தில் அண்மையில் அமலாக்கத் துறை நடத்திய சோதனைக்கு எதிரான மனுவை சென்னை உயர்நீதிமன்றத்திலிருந்து வேறு மாநில உயர்நீதிமன்றத்துக்கு மாற்றக் கோரிய தமிழக அரசின் மனுவை விசாரணைக்கு பட்டியலிடுவது குறித்து பரிசீலிக்க உச்சநீதிமன்றம் வெள்ளிக்கிழமை சம்மதம் தெரிவித்தது.

- நமது நிருபர்

நமது நிருபர்

புது தில்லி, ஏப். 4:

டாஸ்மாக் நிறுவனத்தில் அமலாக்கத் துறையினர் அண்மையில் நடத்திய சோதனைகளுக்கு எதிராக டாஸ்மாக் தாக்கல் செய்த மனுக்களை விசாரிப்பதில் இருந்து விலகுவதாக கடந்த மார்ச் 25-ஆம் தேதி சென்னை உயர்நீதிமன்ற நீதிபதிகள் எம். எஸ்.ரமேஷ், என்.செந்தில்குமார் ஆகியோர் அடங்கிய அமர்வு தெரிவித்தது.

ஒரு வழக்கை ஓர் உயர்நீதிமன்றத்திலிருந்து மற்றோர் உயர்நீதிமன்றத்துக்கு மாற்ற உச்சநீதிமன்றத்துக்கு அதிகாரம் அளிக்கும் அரசமைப்புச் சட்டத்தின் 139 பிரிவின் கீழ் தமிழக அரசு ஒரு மனுவை உச்சநீதிமன்றத்தில் தாக்கல் செய்துள்ளது.