உத்தர பிரதேசம்: அனைத்துத் தொகுதிகளிலும் களமிறங்கத் தயாராகும் காங்கிரஸ்

உத்தர பிரதேச சட்டப் பேரவைத் தேர்தலில் மாநிலத்தில் உள்ள 403 தொகுதிகளிலும் களமிறங்கும் நோக்குடன் காங்கிரஸ் கட்சி இப்போதிருந்தே தயாராகி வருகிறது என்று அந்த மாநில காங்கிரஸ் மேலிடப் பொறுப்பாளர் அவினாஷ் பாண்டே தெரிவித்தார்.

- 

பாஜக ஆட்சியில் உள்ள உத்தர பிரதேசத்தில் 2027-ஆம் ஆண்டு தொடக்கத்தில் சட்டப் பேரவைத் தேர்தல் நடைபெறவுள்ளது.

நாட்டின் மிகப்பெரிய மாநிலம் என்பதால் உத்தர பிரதேச தேர்தல் தேசிய அளவிலும் முக்கியத்துவம் வாய்ந்ததாக கருதப்படுகிறது.

இப்போதைய நிலையில் உத்தர பிரதேசத்தின் பிரதான எதிர்க்கட்சியான சமாஜவாதியுடன் காங்கிரஸ் கூட்டணியில் உள்ளது. காங்கிரஸுக்கு அங்கு இரு எம்எல்ஏக்கள் மட்டுமே உள்ளன.