வாக்காளர் பட்டியல் திருத்தத்துக்கு எதிராக வழக்கு

அனைத்துக் கட்சிக் கூட்டத்தில் தீர்மானம்

- 

வாக்காளர் பட்டியல் சிறப்பு தீவிர திருத்தப் பணிகளைக் கைவிடாவிடில் உச்சநீதிமன்றத்தில் வழக்கு தொடுக்கப்படும் என்று அனைத்துக் கட்சிக் கூட்டத்தில் தீர்மானம் நிறைவேற்றப்பட்டது.

பிகாரைத் தொடர்ந்து தமிழகத்தில் நவ. 4-ஆம் தேதிமுதல் வாக்காளர் பட்டியல் சிறப்பு தீவிர திருத்த (எஸ்ஐஆர்) பணிகள் தொடங்கப்படும் என தேர்தல் ஆணையம் அறிவித்துள்ளது. இதற்கு பல்வேறு அரசியல் கட்சிகள் தொடர்ந்து எதிர்ப்பு தெரிவித்து வருகின்றன.

இந்நிலையில், திமுக தலைவரும் முதல்வருமான மு.க.ஸ்டாலின் தலைமையில் வாக்காளர் பட்டியல் சிறப்பு தீவிர திருத்தம் குறித்து ஆலோசிக்க அனைத்துக் கட்சிக் கூட்டம் சென்னை தியாகராயநகரில் ஞாயிற்றுக்கிழமை நடைபெற்றது.