இந்திய 9-ஆவது முறையாக சாம்பியன்

ஆசிய கோப்பை கிரிக்கெட் போட்டியின் இறுதி ஆட்டத்தில், இந்தியா 5 விக்கெட்டுகள் வித்தியாசத்தில் பாகிஸ்தானை ஞாயிற்றுக்கிழமை வீழ்த்தி சாம்பியன் ஆனது.

- 

இப்போட்டியை தோல்வியே இல்லாமல் நிறைவு செய்த இந்தியா, 9-ஆவது முறையாக சாம்பியன் கோப்பையைக் கைப்பற்றியுள்ளது.

முதலில் பாகிஸ்தான் 19.1 ஓவர்களில் 146 ரன்களுக்கு 10 விக்கெட்டுகளையும் இழக்க, இந்தியா 19.4 ஓவர்களில் 5 விக்கெட்டுகள் இழப்புக்கு 150 ரன்கள் எடுத்து வெற்றி பெற்றது.

இந்த ஆட்டத்தில் இந்தியாவின் தரப்பில், முதலில் குல்தீப் யாதவ் பௌலிங்கில் அசத்தினார். பின்னர் வெற்றி இலக்கை நோக்கி விளையாடிய இந்தியா 20 ரன்களுக்கே 3 விக்கெட்டுகளை இழந்து தடுமாற, திலக் வர்மா பொறுப்பான ஆட்டத்தால் அணியை வெற்றிப் பாதைக்குத் திருப்பினார்.

முன்னதாக டாஸ் வென்ற இந்தியா, பந்துவீச்சை தேர்வு செய்தது. இந்திய லெவனில், காயம் காரணமாக ஹர்திக் பாண்டியா இடம்பெறவில்லை.