வன்முறைப் போராட்டத்தில் ஈடுபட்டவர்கள் மீது கடும் நடவடிக்கை

நேபாள இடைக்கால பிரதமர்

- 

காத்மாண்டு, செப். 14: நேபாளத்தில் ஆட்சியாளர்களின் ஊழல், சமூக ஊடகங்களுக்கு விதிக்கப்பட்ட தடைக்கு எதிராக நடைபெற்ற போராட்டத்தின்போது வன்முறையில் ஈடுபட்டவர்கள் மீது கடும் நடவடிக்கை எடுக்கப்படும் என அந்நாட்டு இடைக்கால அரசின் பிரதமர் சுசீலா கார்கி ஞாயிற்றுக்கிழமை தெரிவித்தார்.

நேபாளத்தில் ஆட்சியாளர்களின் ஊழல் மற்றும் சமூக ஊடகங்களுக்கு விதிக்கப்பட்ட தடைக்கு எதிராக இளைஞர்கள் கடந்த திங்கள்கிழமை பெரும் போராட்டத்தில் ஈடுபட்டனர். அப்போது, காவல் துறையினரால் 19 பேர் சுட்டுக் கொல்லப்பட்டதால், போராட்டம் மேலும் தீவிரமடைந்து வன்முறை வெடித்தது.