ஒகேனக்கல்லுக்கு நீர்வரத்து 12,000 கனஅடியாக குறைந்தது

ஒகேனக்கல் காவிரி ஆற்றில் நீர்வரத்து விநாடிக்கு 12,000 கனஅடியாக குறைந்ததால் அருவிகளில் சுற்றுலாப் பயணிகள் குளிப்பதற்கு புதன்கிழமை முதல் அனுமதி அளிக்கப்பட்டது.

- 

பென்னாகரம்/மேட்டூர், செப். 10:

கர்நாடக அணைகளில் இருந்து காவிரி ஆற்றில் வெளியேற்றப்படும் உபநீரின் அளவு தொடர்ந்து குறைக்கப்பட்டுள்ளது. இதேபோல தமிழகத்தில் காவிரியின் நீர்ப்பிடிப்புப் பகுதிகளில் மழை முற்றிலுமாக குறைந்துள்ளது. இதனால் காவிரி ஆற்றில் நீர்வரத்து கடந்த சில நாட்களாக தொடர்ந்து குறைந்து வருகிறது. ஒகேனக்கல்லுக்கு நீர்வரத்து செவ்வாய்க்கிழமை நிலவரப்படி விநாடிக்கு 16,000 கனஅடியாக இருந்தது, புதன்கிழமை விநாடிக்கு 12,000 கனஅடியாக குறைந்தது.