மசோதாக்களுக்கு அனுமதி அளிப்பதில் ஆளுநர் தாமதம்

மசோதாவை காலவரையின்றி நிறுத்திவைக்க ஆளுநர்கள் அனுமதிக்கப்பட்டால், மசோதாக்களை முடிவு செய்வதில் அரசமைப்பின் பிரிவு 200-இல் பயன்படுத்தப்பட்டுள்ள 'முடிந்த வரை விரைவில்' என்ற சொல் எந்த நடைமுறை நோக்கத்திற்கும் உதவாது என்பதாகிவிடும் அல்லவா என்று மத்திய அரசுக்கு உச்சநீதிமன்றம் கேள்வி எழுப்பியது.

- நமது நிருபர்

நமது நிருபர் புது தில்லி, ஆக.28: மசோதாவை காலவரையின்றி நிறுத்திவைக்க ஆளுநர்கள் அனுமதிக்கப்பட்டால், மசோதாக்களை முடிவு செய்வதில் அரசமைப்பின் பிரிவு 200-இல் பயன்படுத்தப்பட்டுள்ள 'முடிந்த வரை விரைவில்' என்ற சொல் எந்த நடைமுறை நோக்கத்திற்கும் உதவாது என்பதாகிவிடும் அல்லவா என்று மத்திய அரசுக்கு உச்சநீதிமன்றம் கேள்வி எழுப்பியது.

அடிப்படை உரிமைகளை மீறுவதற்காக, சட்டப்பேரவைகளால் நிறைவேற்றப்பட்ட மசோதாக்களை கையாளுவதில் குடியரசுத் தலைவர் மற்றும் ஆளுநரின் நடவடிக்கைகளுக்கு எதிராக உச்சநீதிமன்றத்தை நாடுவதில் மாநில அரசுகள் 'ரிட்' அதிகார வரம்பைப் பயன்படுத்த முடியாது என்று மத்திய அரசு வியாழக்கிழமை முன்வைத்த வாதத்தின்போது, உச்சநீதிமன்றம் இக்கருத்தைத் தெரிவித்தது.