ரூ. 1.30 கோடியில் அத்திமுகம் ஐராவதீஸ்வரர் கோயிலை புதுப்பிக்கும் பணி

காணொலிக் காட்சி வாயிலாக முதல்வர் தொடங்கிவைத்தார்

- 

ஒசூர், ஆக. 22: கிருஷ்ணகிரி மாவட்டத்தில் இந்து சமய அறநிலையத் துறை சார்பில் ரூ. 1.31 கோடியில் பழைமையான அத்திமுகம் ஐராவதீஸ்வரர் மற்றும் அழகேஸ்வரர் கோயில்களை புனரமைக்கும் வகையிலான திருப்பணியை சென்னை தலைமை செயலகத்திலிருந்து தமிழக முதல்வர் மு.க.ஸ்டாலின் காணொலிக் காட்சி வாயிலாக வெள்ளிக்கிழமை தொடங்கி வைத்தார்.

மேலும், ஊரக வளர்ச்சி மற்றும் ஊராட்சித் துறை சார்பில் ரூ. 3.10 கோடியில் கட்டப்பட்ட கூடுதல் வகுப்பறை கட்டடங்கள், கணினி ஆய்வுக் கூடம், புதிய பாலம் ஆகியவற்றையும் முதல்வர் திறந்து வைத்தார்.