தருமபுரி மாவட்டத்தில் கருணாநிதி நினைவு நாள் அனுசரிப்பு

தமிழக முன்னாள் முதல்வர் மு.கருணாநிதியின் 7 ஆவது ஆண்டு நினைவு நாளையொட்டி, தருமபுரி மாவட்டத்தில் பல்வேறு இடங்களில் அவரது உருவப்படத்துக்கு திமுக சார்பில் வியாழக்கிழமை அஞ்சலி செலுத்தப்பட்டது.

- 

தருமபுரி/ பென்னாகரம், ஆக. 7:

தருமபுரி கிழக்கு மாவட்ட திமுக சார்பில் தருமபுரியில் நடைபெற்ற நிகழ்ச்சியில் ராஜகோபால் கவுண்டர் பூங்கா பகுதியிலிருந்து மாவட்ட பொறுப்பாளரும், மக்களவை உறுப்பினருமான ஆ. மணி தலைமையில் நகரச் செயலாளர் நாட்டான் மாது முன்னிலையில் அமைதி ஊர்வலம் நடைபெற்றது.

ஊர்வலம் முக்கிய வீதிகள் வழியாக தருமபுரி நான்கு சாலையில் உள்ள அண்ணா சிலையில் நிறைவடைந்தது. அப்பகுதியில் அலங்கரித்து வைக்கப்பட்டிருந்த மு.கருணாநிதியின் உருவப்படத்துக்கு பலரும் மலர்தூவி அஞ்சலி செலுத்தினர்.

இந்நிகழ்ச்சியில் முன்னாள் மக்களவை உறுப்பினர் எம்.ஜி. சேகர், மாவட்ட பொருளாளர் தங்கமணி, மாவட்ட துணை செயலாளர்கள் ரேணுகாதேவி, ஆறுமுகம், நகராட்சித் தலைவர் லட்சுமி நாட்டான் மாது, மாவட்ட அறங்காவலர் குழுத் தலைவர் அன்பழகன், மாநில நிர்வாகி செந்தில்குமார் உள்ளிட்டோர் பங்கேற்றனர்.