இந்தியா பதிலடி; கட்டுப்பட்டது இங்கிலாந்து

இந்தியாவுக்கு எதிரான 5-ஆவது டெஸ்ட்டில் இங்கிலாந்து முதல் இன்னிங்ஸில் 247 ரன்கள் சேர்த்து ஆட்டமிழந்தது.

- 

லண்டன், ஆக. 1: இந்தியாவுக்கு எதிரான 5-ஆவது டெஸ்ட்டில் இங்கிலாந்து முதல் இன்னிங்ஸில் 247 ரன்கள் சேர்த்து ஆட்டமிழந்தது.

ஜாக் கிராலி, பென் டக்கெட், ஹேரி புரூக் நிதானமாக ரன்கள் சேர்க்க, இந்திய பௌலர்களில் பிரசித் கிருஷ்ணா, முகமது சிராஜ் அசத்தினர்.

முதல் இன்னிங்ஸில் பேட்டிங்கில் தடுமாறிய இந்தியா, பௌலிங்கில் பலம் காட்டியதால், இங்கிலாந்து 23 ரன்களே முன்னிலை பெற்றது. ஏறத்தாழ சமநிலையுடன் 2-ஆவது இன்னிங்ஸ் தொடங்கியுள்ளது.

முன்னதாக, வியாழக்கிழமை தொடங்கிய இந்த ஆட்டத்தில் இந்தியா முதல் நாள் முடிவில் 6 விக்கெட்டுகள் இழப்புக்கு 204 ரன்கள் எடுத்திருந்தது.