அண்டை நாடுகளால் உள்நாட்டிலும் பாதுகாப்பு சவால்கள்: அமித் ஷா

அண்டை நாடுகளால் இந்தியாவுக்கு உள்நாட்டிலும் பாதுகாப்பு சவால்கள் இருப்பதாக மத்திய உள்துறை அமைச்சர் அமித் ஷா தெரிவித்தார்.

- 

புதுதில்லி, ஜூலை 27:

தில்லியில் எட்டாவது தேசிய பாதுகாப்பு உத்திகள் கருத்தரங்கில் சனிக்கிழமை பங்கேற்று நிறைவுரை ஆற்றி அவர் பேசியதாவது: பிரதமர் நரேந்திர மோடி வலுவான அரசியல் மன உறுதியைக் காட்டியுள்ளார். இதன்மூலம் பயங்கரவாதத்துக்கு எதிரான சகிப்புத்தன்மையற்ற கொள்கையை அவர் உறுதிப்படுத்தியதுடன் ஆபரேஷன் சிந்தூர் நடவடிக்கை மூலம் அதை உலகின் முன் குறிப்பிடத்தக்க அளவில் வெளிப்படுத்தியுள்ளார்.

அண்டை நாடுகளால் இந்தியாவுக்கு உள்நாட்டிலும் பாதுகாப்பு சவால்கள் இருக்கின்றன. மாநில காவல் துறை அமைப்புகளும் மத்திய பாதுகாப்பு அமைப்புகளும் பாதுகாப்பு, உஷார்நிலை, ஒருங்கிணைப்பு என்ற கொள்கையைப் பின்பற்ற வேண்டும்.