ஒகேனக்கல்லுக்கு நீர்வரத்து 70,000 கன அடியாகக் குறைந்தது

கர்நாடக அணைகளிலிருந்து திறந்துவிடப்படும் தண்ணீரின் அளவு குறைக்கப்பட்டதால் ஒகேனக்கல் காவிரி ஆற்றில் சனிக்கிழமை நீர்வரத்து விநாடிக்கு 70,000 கனஅடியாகக் குறைந்தது.

- 

பென்னாகரம், ஜூன் 27: கர்நாடக அணைகளிலிருந்து திறந்துவிடப்படும் தண்ணீரின் அளவு குறைக்கப்பட்டதால் ஒகேனக்கல் காவிரி ஆற்றில் சனிக்கிழமை நீர்வரத்து விநாடிக்கு 70,000 கனஅடியாகக் குறைந்தது.

கேரளம், கர்நாடக மாநிலங்களின் காவிரி நீர்ப்பிடிப்புப் பகுதிகளில் கடந்த சில நாள்களாக பலத்த மழை பெய்ததால் கர்நாடகத்தில் உள்ள கபினி, கிருஷ்ணராஜ சாகர் அணைகளுக்கு நீர்வரத்து தொடர்ந்து அதிகரித்தது.

வெள்ளிக்கிழமை நிலவரப்படி இரு அணைகளிலிருந்தும் காவிரியில் விநாடிக்கு 80,000 கனஅடி உபரிநீர் வெளியேற்றப்பட்டது.