தருமபுரி ஆட்சியரகத்தில் 4 குழந்தைகளுடன் பெண் தீக்குளிக்க முயற்சி

கணவரை தாக்கியவர் மீது நடவடிக்கைக் கோரி

- 

தருமபுரி, ஜூன் 16: கணவரை வெட்டித் தாக்குதல் நடத்தியவர்கள் மீது போலீஸார் நடவடிக்கை எடுக்கக் கோரி, தருமபுரி மாவட்ட ஆட்சியரக வளாகத்தில் பெண் தனது 4 குழந்தைகளுடன் தீக்குளிக்க முயன்ற சம்பவம் பரபரப்பை ஏற்படுத்தியுள்ளது.

தருமபுரி மாவட்டம், பென்னாகரம் வட்டம் அம்மாபள்ளம் அருகேயுள்ள கூத்தப்பாடி கிராமத்தைச் சேர்ந்தவர் முருகேசன் மனைவி பாஞ்சாலி (38). இவர் தனது 3 மகள்கள் மற்றும் 1 மகன் (அனைவரும் 7 முதல் 16 வயது வரையுள்ளவர்கள்) உள்ளிட்டோருடன் தருமபுரி மாவட்ட ஆட்சியரகத்துக்கு திங்கள்கிழமை காலை வந்தார்.