இன்றும், நாளையும் கோவை, நீலகிரிக்கு கனமழைக்கான ஆரஞ்சு எச்சரிக்கை

தமிழகத்தில் கோவை, நீலகிரி ஆகிய மாவட்டங்களில் வியாழன், வெள்ளி (ஜூன் 12, 13) ஆகிய இரு நாள்களில் மிக கன மழைக்கு வாய்ப்புள்ளதால் ஆரஞ்சு எச்சரிக்கை விடுக்கப்பட்டுள்ளதாக சென்னை வானிலை ஆய்வு மையம் தெரிவித்துள்ளது.

- 

சென்னை, ஜூன் 11:

இது குறித்து அந்த மையம் சார்பில் வெளியிடப்பட்ட செய்திக்குறிப்பு: மத்திய மேற்கு வங்கக் கடலில் நிலவும் வளிமண்டல மேலடுக்கு சுழற்சியின் காரணமாக, வியாழக்கிழமை (ஜூன் 12) முதல் ஜூன் 17-ஆம் தேதி வரை தமிழகத்தில் ஒருசில இடங்களிலும், புதுச்சேரி, காரைக்கால் பகுதிகளிலும், இடி, மின்னல் மற்றும் பலத்த காற்றுடன் கூடிய மிதமான மழைக்கு வாய்ப்புள்ளது.