உடனடி உத்தரவு பெற்றுத் தருவதாக விளம்பரம்; வழக்குரைஞர்களுக்கு பார் கவுன்சில் எச்சரிக்கை

நீதிமன்றங்களில் உடனடி உத்தரவு பெற்றுத் தருவதாக வழக்குரைஞர்கள் விளம்பரம் (வருவாய் நோக்கத்தில்) வெளியிட்டால் அவர்கள் மீது நடவடிக்கை எடுக்கப்படும் என தமிழகம் மற்றும் புதுச்சேரி பார் கவுன்சில் அலுவலகத்தின் தலைவர் அமல்ராஜ் தெரிவித்தார்.

- 

சென்னை, மே 2:

இது குறித்து அவர் சென்னையில் வெள்ளிக்கிழமை செய்தியாளர்களிடம் கூறியதாவது:

வழக்குரைஞர்கள் விளம்பரங்களை வெளியிடுவது பார் கவுன்சில் விதி 36-ன்படி சட்டவிரோதமாகும். வழக்குரைஞர்கள் நேரடியாகவோ, மறைமுகமாகவோ போஸ்டர், பேனர் மற்றும் சமூக வலைதளங்களில் எந்தவித விளம்பரமும் செய்யக்கூடாது. பிறந்தநாள் விளம்பரம்கூட வழக்குரைஞர்கள் வெளியிடக் கூடாது. அதற்கு கட்டுப்பாடுகள் உள்ளன.