எடப்பாடி தொகுதியில் சுயேச்சைக்கு விஜய் ஆதரவு

சேலம் மாவட்டம், எடப்பாடி தொகுதியில் தவெக வேட்பாளரின் வேட்புமனு நிராகரிக்கப்பட்ட நிலையில், அந்தத் தொகுதியில் போட்டியிடும் சுயேச்சை வேட்பாளருக்கு ஆதரவு அளிப்பதாக அக்கட்சியின் தலைவர் விஜய் அறிவித்துள்ளார்.

- 

அதிமுக பொதுச் செயலர் எடப்பாடி கே. பழனிசாமி போட்டியிடும் எடப்பாடி தொகுதியில் தவெக சார்பில் வேட்பாளர் அருண்குமார் மற்றும் மாற்று வேட்பாளராக அவரது மனைவி நித்யா ஆகியோர் வேட்புமனு தாக்கல் செய்தனர். அங்கீகரிக்கப்படாத அரசியல் கட்சிகளின் வேட்பாளரின் வேட்புமனுவை அதே தொகுதியைச் சேர்ந்த 10 பேர் முன்மொழிய வேண்டும் என விதிமுறை உள்ளது. ஆனால், அவர்களின் மனுவில் 8 பேர் மட்டுமே முன்மொழிந்திருந்ததால், அருண்குமார், நித்யா ஆகிய இருவரின் வேட்புமனுக்களும் நிராகரிக்கப்பட்டன.