காயத்தான்-வாகனத்தான்-அழியான்

தமிழின் இன்சுவை, இம்மொழியில் பாடப்பட்ட கவிதைகளின் அருமையான சொற்பிரயோகங்களில் இருந்து விரிந்து தெரியும். சிற்றிலக்கியங்களில் இவற்றைப் படித்து இன்புறலாம். பலவிதமான கவிதை வடிவங்களைக் கொண்டு இயற்றப்படுவன சிற்றிலக்கியங்கள்.

- மீனாட்சி பாலகணேஷ்

உலா என்பது அழகான சிற்றிலக்கியம். இறைவன் உலாப்போதலைக் கண்டு ஏழு பருவத்துப் பெண்டிரும் அவர் மீது காதல் கொள்வதனை விவரிப்பன உலா இலக்கியங்கள். இவற்றுள் ஒன்றே பெயர் தெரியாத புலவரொருவரால் இயற்றப்பட்டுள்ள திருச்சிறுபுலியூர் உலாவாகும். உலா என்றால் பவனி வருதல் எனப்பொருள்.

இது சிறுபுலியூரில் எழுந்தருளியுள்ள திருமாலைப் பாட்டுடைத் தலைவனாகக் கொண்டு, அவன் பவனிவரும் சிறப்பைக் கூறும் தமிழ்ப் பிரபந்தமாகும். அழகான சொல்லாடல்களைக் கொண்டு விளங்கும் இதனின்றும் சில கண்ணிகளைக் காண்போம். திருமாலின் குணநலன்களை விளக்கும் சில கண்ணிகள்: