உலக அளவில் புகழ் பெறும் செஞ்சிக் கோட்டை!

யுனெஸ்கோ அங்கீகாரத்தால், விழுப்புரம் மாவட்டத்திலுள்ள செஞ்சிக் கோட்டை உலகளவில் புகழ் பெறுகிறது.

- 

செஞ்சி, ஜூலை 12:

செஞ்சியில் அமைந்துள்ள வரலாற்று சிறப்புமிக்க செஞ்சிக் கோட்டையை கடந்தாண்டு செப்டம்பர் மாதம் மத்திய அரசின் பரிந்துரைப்படி, யுனெஸ்கோ குழுவினர் ஆய்வு செய்தனர். இதைத் தொடர்ந்து, உலக பாரம்பரியச் சின்னமாக அறிவிக்கப்பட்டுள்ளதால், இதன் புகழ் உலகளவில் பரவும் வாய்ப்பு ஏற்பட்டுள்ளது.

வரலாறு:

செஞ்சிக் கோட்டையை 13-ஆம் நூற்றாண்டில் கோனார் வம்சத்தினர் கட்டத் தொடங்கினர். அடுத்து வந்த பல மன்னர்கள் கோட்டையை பலம்பொருந்திய கோட்டையாக மாற்றினர். இங்குள்ள கோயில்கள், மண்டபங்கள், குளங்கள், சுனைகள், படைவீரர்கள் தங்கும் பகுதி, நெல் களஞ்சியம், எதிரிகள் கடக்க முடியாத ஆழமான, அகலமான அகழிகள் போன்றவை தென்னிந்திய மன்னர்களுக்கு கட்டடக்கலையில் இருந்த ஆற்றலை வெளிப்படுத்துகிறது. இந்தப் பகுதியில் சமணர்கள் வாழ்ந்தனர் என்று கல்வெட்டுகள் கூறுகின்றன.