அறிவு வளர்ச்சிக்கு புத்தக வாசிப்பே அடிப்படை

அறிவு வளர்ச்சிக்கு புத்தக வாசிப்பே அடிப்படையானது என்று நெய்வேலி புத்தகக் கண்காட்சியில் தமிழக மின் உற்பத்தி மற்றும் பகிர்மானக் கழகத் தலைவர் ஜெ.ராதாகிருஷ்ணன் தெரிவித்தார்.

- 

நெய்வேலி, ஜூலை 10:

கடலூர் மாவட்டம், நெய்வேலியில் என்எல்சி இந்தியா நிறுவனம் சார்பில் 24-ஆவது புத்தகக் கண்காட்சி வட்டம் 11-இல் உள்ள பழுப்பு நிலக்கரி அரங்கில் கடந்த 4-ஆம் தேதி தொடங்கி நடைபெற்று வருகிறது.

புத்தகக் கண்காட்சியின் 7-ஆம் நாள் நிகழ்ச்சிக்கு என்எல்சி தலைவர் பிரசன்னகுமார் மோட்டுப்பள்ளி தலைமை வகித்து பேசுகையில், நூல்களின் மகத்துவத்தையும், அறிவு சார்ந்த சமூகத்தின் அவசியத்தையும் வலியுறுத்தினார்.

மத்திய அமைச்சர் கடந்த 4-ஆம் தேதி புத்தகக் கண்காட்சியைத் தொடங்கிவைத்தபோது, என்எல்சி குழுவினரின் முயற்சிகளைப் பாராட்டினார் என்றார்.