சிறுபாசன கணக்கெடுப்பு நடத்த வேண்டும்: விவசாயிகள் வலியுறுத்தல்

கடலூர் மாவட்டத்தில் ஐந்தாண்டுகளுக்கு ஒருமுறை நடத்தப்படும் சிறுபாசன கணக்கெடுப்பை நடத்த வேண்டும் என விவசாயிகள் குறைகேட்பு கூட்டத்தில் கடலூர் மாவட்ட உழவர் மன்றங்களின் கூட்டமைப்புத் தலைவர் பெ.ரவீந்திரன் வலியுறுத்தினார்.

- 

நெய்வேலி, ஜூன் 27:

கடலூர் மாவட்ட ஆட்சியர் அலுவலகக் கூட்டரங்கில் விவசாயிகள் குறைகேட்பு மற்றும் மேம்பாட்டுக்கான ஆலோசனைக் கூட்டம் வெள்ளிக்கிழமை நடைபெற்றது. மாவட்ட ஆட்சியர் சிபி ஆதித்யா செந்தில்குமார் தலைமை வகித்தார். வருவாய் அலுவலர் ம.ராஜசேகரன் முன்னிலை வகித்தார் (படம்).

கூட்டத்தில் விவசாயிகள் பேசியதாவது:

வானமாதேவி சிவசக்திவேல்: வீராணம் ஏரியிலிருந்து செல்லக்கூடிய செங்கால் ஓடை சுமார் 1.5 கி.மீ. தொலைவுக்கு முற்றிலும் தூர்ந்துபோய் காணப்படுகிறது. விவசாயிகள் நலன் கருதி, செங்கால் ஓடையை தூர்வாரி பராமரிக்க நடவடிக்கை எடுக்க வேண்டும்.

குமராட்சி பாலு: நெய்வாசல் பகுதியில் தூர்ந்துபோய் தற்போது குட்டைபோல காணப்படும் குளத்தை தூர்வார வேண்டும்.