பிரதமர் மோடியின் ஆற்றலும் சுறுசுறுப்பும் இந்தியாவுக்கு மிகப் பெரிய சொத்து

பிரதமர் நரேந்திர மோடியின் ஆற்றல், சுறுசுறுப்பு மற்றும் ஈடுபாடு, உலக அரங்கில் இந்தியாவுக்கான மிகப் பெரிய சொத்தாக உள்ளது. ஆனால், அதற்கு அதிக ஆதரவு தேவை என்று காங்கிரஸ் எம்.பி. சசி தரூர் குறிப்பிட்டார்.

- 

புது தில்லி, ஜூன் 23: 'பிரதமர் நரேந்திர மோடியின் ஆற்றல், சுறுசுறுப்பு மற்றும் ஈடுபாடு, உலக அரங்கில் இந்தியாவுக்கான மிகப் பெரிய சொத்தாக உள்ளது. ஆனால், அதற்கு அதிக ஆதரவு தேவை' என்று காங்கிரஸ் எம்.பி. சசி தரூர் குறிப்பிட்டார்.

ஆபரேஷன் சிந்தூர் நடவடிக்கைக்குப் பிறகு இந்தியாவின் வெளியுறவுக் கொள்கை குறித்து காங்கிரஸ் கடுமையான விமர்சனங்களை முன் வைத்து வரும் நிலையில், பிரதமருக்கு சசி தரூர் புகழாரம் சூட்டியிருக்கிறார்.

கடந்த 2022-ஆம் ஆண்டு நடைபெற்ற காங்கிரஸ் தேசியத் தலைவர் பதவிக்கான தேர்தலில் சோனியா காந்தி, ராகுல் காந்தி ஆகியோர் முன்னிறுத்திய வேட்பாளரான மல்லிகார்ஜுன கார்கேயை எதிர்த்து சசி தரூர் போட்டியிட்டார். அப்போது முதலே கட்சியின் ஒரு தரப்பினர் அவரை விமர்சித்து வருகின்றனர்.