மனிதனும் விலங்காவான்; விலங்கும் தெய்வமாகும்!

எப்போதும் மிக உயர்ந்த சிந்தனைகளை மட்டுமே வெளிப்படுத்தி, பிறருக்குப் பயன்படும் சிறந்த செயல்களைச் செய்பவர்களை, உலகம் ‘அவர் தெய்வப்பிறவி’ என்றே சொல்கிறது.

- வழக்குரைஞர் த.இராமலிங்கம்

எப்போதும் மிக உயர்ந்த சிந்தனைகளை மட்டுமே வெளிப்படுத்தி, பிறருக்குப் பயன்படும் சிறந்த செயல்களைச் செய்பவர்களை, உலகம் ‘அவர் தெய்வப்பிறவி’ என்றே சொல்கிறது. தனது உயர்ந்த குணங்களாலும், செயல்களாலும் பறவை இனத்தைச் சேர்ந்த ஜடாயு தெய்வமான காட்சி கம்பனில் உண்டு.

சீதையைக் காப்பாற்றும் நோக்குடன், இராவணனுடன் சண்டையிட்டு மரணமடைந்தது ஜடாயு. அதனை ‘தெய்வமரணம்’ என்றே கம்பன் குறிக்கிறான். தனது கேவலமான குணங்களாலும் செயல்களாலும் மனிதன் விலங்காகவே மாறிவிடுவதும் உண்டு. ஒருவரின் சிந்தனையும் செயலுமே, அவர் தரத்தை நிர்ணயிக்கிறது. பொருத்தமான காட்சி ஒன்றில், கம்பன் இந்தக் கருத்தை வலியுறுத்துகிறான்.