என்ஐஏ காவலில் தஹாவூர் ராணா: பலத்த பாதுகாப்புடன் விசாரணை தொடக்கம்

மும்பை பயங்கரவாத தாக்குதல் சம்பவத்தின் முக்கிய குற்றவாளியாக கருதப்படும் பயங்கரவாதி தஹாவூர் ராணா (64) தேசிய புலனாய்வு முகமை (என்ஐஏ) தலைமையகத்தில் 18 நாள் காவலில் வைக்கப்பட்டுள்ளார்.

- 

புது தில்லி, ஏப்.11: அவரிடம் என்ஐஏ விசாரணையை தொடங்கியது.

இதையடுத்து, சட்ட ஒழுங்கு பிரச்னைகளைத் தடுக்கும் வகையில் என்ஐஏ தலைமையகத்தை சுற்றி துணை ராணுவப் படை மற்றும் போலீஸார் குவிக்கப்பட்டு பலத்த பாதுகாப்பு ஏற்பாடுகள் மேற்கொள்ளப்பட்டுள்ளன. என்ஐஏ தலைமையகம் அமைந்துள்ள சாலையில் போக்குவரத்து முற்றிலும் தடை செய்யப்பட்டுள்ளது.

முன்னதாக, அமெரிக்காவில் இருந்து சிறப்பு விமானம் மூலம் தஹாவூர் ராணா வியாழக்கிழமை நாடுகடத்தப்பட்டார். அவர் புது தில்லியில் உள்ள பாட்டியாலா ஹவுஸ் நீதிமன்றத்தில் என்ஐஏ சிறப்பு நீதிமன்ற நீதிபதி சந்தர் ஜீத் சிங் முன்பாக வியாழக்கிழமை இரவு ஆஜர்படுத்தப்பட்டார்.

விசாரணை தொடங்குவதற்கு முன் தனக்காக வாதிட வழக்குரைஞர் இல்லை என தஹாவூர் ராணா நீதிபதியிடம் தெரிவித்தார். இதையடுத்து, ராணா தரப்பு வழக்குரைஞராக பியூஷ் சச்தேவா நியமிக்கப்பட்டார்.