தென்காசி காசி விசுவநாதர் கோயில் குடமுழுக்குக்கான தடை நீக்கம்

தென்காசி காசி விசுவநாதர் கோயில் குடமுழுக்குக்கு விதிக்கப்பட்ட இடைக்காலத் தடையை நீக்கி, சென்னை உயர்நீதிமன்ற மதுரை அமர்வு வெள்ளிக்கிழமை உத்தரவிட்டது.

- 

மதுரை, ஏப். 4:

தென்காசி மாவட்டத்தைச் சேர்ந்த நம்பிராஜன் சென்னை உயர்நீதிமன்ற மதுரை அமர்வில் தாக்கல் செய்த பொதுநல மனு:

தென்காசி காசி விசுவநாதர் கோயில் செயல் அலுவலரின் வாய்மொழி உத்தரவால், கோயில் பகுதியிலிருந்து மணலை அள்ளி வாகனங்கள் மூலம் கொண்டு சென்று விட்டனர். இதனால் கோயில் கட்டடம் உறுதியிழந்து விட்டது. காசி விசுவநாதர் கோயிலை மறுசீரமைப்பு செய்வதற்காக வழங்கப்பட்ட நிதிமுறையாகப் பயன்படுத்தப்படவில்லை. இதனால், மிகவும் பழைமையான காசி விசுவநாதர் கோயில் பாதிக்கப்படும் நிலை ஏற்பட்டுள்ளது.