20 சதவீதமாகக் குறைந்த அதிமுக வாக்கு வங்கி

அதிமுகவின் 50 ஆண்டுகால வரலாற்றில் மூன்றாம் முறையாக 20 சதவீதமாக அக்கட்சியின் வாக்கு குறைந்துள்ளது.

- 

இந்தத் தேர்தலில் 169 தொகுதிகளில் போட்டியிட்ட அதிமுக 20.66 சதவீத வாக்குகளைப் பெற்றுள்ளது குறிப்பிடத்தக்கது.எம்ஜிஆர் தொடங்கிய அதிமுக முதல் முதலாக 1977-இல் நடைபெற்ற சட்டப் பேரவைத் தேர்தலில் களம் கண்டது. அந்தத் தேர்தலில் 130 தொகுதிகளில் போட்டியிட்ட அதிமுக 30.4 சதவீத வாக்குகளைப் பெற்று தனிப் பெரும்பான்மையுடன் ஆட்சி அமைத்தது. தொடர்ந்து, 1980-இல் நடைபெற்ற தேர்தலில் 38.8 சதவீத வாக்குகளுடன் 129 தொகுதிகளிலும், 1985-இல் தேர்தலில் 37 சதவீத வாக்குகளுடன் 132 தொகுதிகளிலும் வெற்றி பெற்று ஆட்சியைப் பிடித்தது.