சுதர்சன் ரெட்டியை ஆதரிப்பது நமது கடமை

'இந்தியாவின் அடிப்படை கொள்கைகளில் நம்பிக்கை கொண்ட சுதர்சன் ரெட்டியை குடியரசு துணைத்தலைவர் தேர்தலில் ஆதரிப்பது நமது கடமை' என்றார் முதல்வரும் திமுக தலைவருமான மு.க.ஸ்டாலின்.

- 

சென்னை, ஆக. 24:

'இண்டி' கூட்டணியின் குடியரசு துணைத் தலைவர் வேட்பாளர் சுதர்சன் ரெட்டி ஞாயிற்றுக்கிழமை சென்னை வந்தார். திமுக மற்றும் அதன் கூட்டணிக் கட்சிகளைச் சேர்ந்த நாடாளுமன்ற உறுப்பினர்களைச் சந்தித்து ஆதரவு திரட்டினார். பின்னர் நடைபெற்ற நிகழ்ச்சியில் அவரை ஆதரித்து முதல்வர் மு.க.ஸ்டாலின் பேசியதாவது:

அரசமைப்புச் சட்டத்தைப் பாதுகாக்கும் உச்சநீதிமன்ற நீதிபதியாகப் பணியாற்றிய சுதர்சன் ரெட்டி, குடியரசு துணைத் தலைவர் பொறுப்புக்கு மிகவும் தகுதி வாய்ந்தவர். தென் மாநிலத்தைச் சேர்ந்த அவருடைய பணிகள், தகுதிகளை அனைவரும் கவனிக்க வேண்டும்.

நீதிபதியாகப் பணியாற்றிய காலத்தில் நேர்மையாக, சுதந்திரமாகச் செயல்பட்டு மக்களுடைய உரிமைகளையும், சமூக நீதியையும் உயர்த்திப் பிடித்து அரசமைப்புச் சட்டத்தின் மாண்பைப் போற்றி பாதுகாத்தவர்.