நிதிப் பகிர்வில் குறுகிய அரசியல்

மத்திய அரசு மீது முதல்வர் மு.க. ஸ்டாலின் குற்றச்சாட்டு

- 

சென்னை, ஆக. 23: தமிழ்நாட்டுக் கான நிதிப் பகிர்வில் மத்திய அரசு குறுகிய அரசியல் நோக்கத்துடன் செயல்படுகிறது என முதல்வர் மு.க.ஸ்டாலின் குற்றஞ்சாட்டினார்.

தமிழக அரசு சார்பில், மத்திய - மாநில உறவுகள் குறித்த தேசிய கருத்தரங்கை சென்னையில் சனிக்கிழமை தொடங்கி வைத்து அவர் பேசியதாவது:

தமிழ்நாட்டின் அரசியல் என்பதே சமூக நீதி அரசியலாகத்தான் இருக்கிறது. மாநில பொருளாதார வளர்ச்சியின் பயன்கள், சமூகத்தின் அனைத்துப் பிரிவினருக்கும் சென்றடைந்திருக்கிறது. ஐ.நா. மன்றத்தின் மானுட மேம்பாட்டுக் குறியீடுகளான தனிநபர் வருமானம், கல்வி, பொது சுகாதாரம், பெண்ணுரிமை, சுற்றுச்சூழல் பாதுகாப்பு போன்ற குறியீடுகளில் இந்திய மாநிலங்களுடன் ஒப்பிட்டால், தமிழ்நாடு பல துறைகளில் முதன்மை மாநிலமாகத் தொடர்ந்து திகழ்ந்து வருகிறது.