தோனியின் சாட்சியத்தைப் பதிவு செய்ய வழக்குரைஞர் ஆணையர் நியமனம்

ரூ.100 கோடி மானநஷ்ட ஈடு கோரிய வழக்கில் கிரிக்கெட் வீரர் மகேந்திரசிங் தோனியின் சாட்சியத்தைப் பதிவு செய்ய வழக்குரைஞர் ஜி.ஜெயஸ்ரீ என்பவரை வழக்குரைஞர் ஆணையராக நியமித்து சென்னை உயர்நீதிமன்றம் உத்தரவிட்டது.

- 

சென்னை, ஆக.19:

ஐபிஎல் கிரிக்கெட் போட்டியில் சூதாட்டம் நடந்ததா? என்பது குறித்து தனியார் தொலைக்காட்சி நடத்திய விவாத நிகழ்ச்சியில் ஐபிஎஸ் அதிகாரி சம்பத்குமார் கலந்து கொண்டு பேசினார். அப்போது, சூதாட்டத்தில் கிரிக்கெட் வீரர் மகேந்திர சிங் தோனி ஈடுபட்டதாக கூறினார்.

இதையடுத்து, ஐபிஎஸ் அதிகாரி சம்பத்குமார், தனியார் தொலைக்காட்சி நிறுவனம் ஆகியோரிடம் ரூ.100 கோடி மானநஷ்ட ஈடு கேட்டு சென்னை உயர்நீதிமன்றத்தில் 2014-ஆம் ஆண்டு தோனி வழக்கு தொடர்ந்தார்.