மதுரை ஆதீனத்திடம் இணையவழி குற்றத் தடுப்புப் பிரிவு போலீஸார் விசாரணை

மதுரை ஆதீனத்திடம் சென்னை கிழக்கு மண்டல இணையவழி குற்றத் தடுப்புப் பிரிவு போலீஸார் ஞாயிற்றுக்கிழமை விசாரணை மேற்கொண்டனர்.

- 

மதுரை, ஜூலை 20:

மதுரை ஆதீனத்தின் 293-ஆவது குருமகா சந்நிதானம் ஸ்ரீ ஞானசம்பந்த தேசிக சுவாமிகள் சென்னை காட்டாங்குளத்தூரில் நடைபெற்ற சைவ சித்தாந்த நிகழ்ச்சியில் பங்கேற்பதற்காக கடந்த மே 2-ஆம் தேதி மதுரையிலிருந்து சென்னைக்கு காரில் சென்றார். உளுந்தூர்பேட்டை அருகே சென்றபோது, அவரது கார் லேசான விபத்துக்குள்ளானது.

இந்த விபத்து, மாற்று மத அடையாளங்களுடன் வந்தவர்களால் தன்னை கொலை செய்ய நிகழ்த்தப்பட்ட சதி என மதுரை ஆதீனம் தெரிவித்தார்.