தண்ணீரில் மூழ்கிய உயர்மட்டப் பாலம்; பரிசல் பயணத்தைத் தொடங்கிய கிராம மக்கள்

மேட்டுப்பாளையம் அருகே சிறுமுகை பேரூராட்சி லிங்காபுரம்-காந்தவயல் கிராமத்தை இணைக்கும் உயர் மட்ட பாலம் தண்ணீரில் மூழ்கியதால் ஆற்றைக் கடக்க பரிசல் மூலம் கிராம மக்கள் பயணம் செய்து வருகின்றனர்.

- 

மேட்டுப்பாளையம், ஜூலை 15:

சிறுமுகை பேரூராட்சிக்குள்பட்ட லிங்காபுரம் கிராமத்தையும் காந்தவயல் கிராமத்தையும் இணைக்க காந்தையாற்றின் குறுக்கே உயர் மட்டப் பாலம் உள்ளது. பவானிசாகர் நீர்த்தேக்கப் பகுதியில் அமைந்துள்ள இந்தப் பாலம் அண்மையில் பில்லூர் அணை நிரம்பி அதன் உபரி நீர் பவானி ஆற்றில் திறக்கப்பட்டதால் ஏற்பட்ட வெள்ளம் காரணமாக தண்ணீரில் மூழ்கியுள்ளது.