மும்பையில் இருந்ததாக தஹாவூர் ராணா ஒப்புதல்

மகாராஷ்டிர மாநிலம் மும்பையில் கடந்த 2008-ஆம் ஆண்டு பயங்கரவாதிகள் நடத்திய 26/11 தாக்குதலின்போது தானும் அங்கிருந்ததாக பாகிஸ்தானை பூர்விகமாகக் கொண்ட பயங்கரவாதி தஹாவூர் ராணா ஒப்புக்கொண்டார்.

- 

புது தில்லி, ஜூலை 7:

மேலும், இச்சம்பவத்தில் லஷ்கர்-ஏ-தொய்பா பயங்கரவாத இயக்கம், பாகிஸ்தான் ராணுவம் மற்றும் உளவு அமைப்பான ஐஎஸ்ஐ-க்கு தொடர்பிருப்பதாக அவர் ஒப்புக்கொண்டதாகவும் தகவலறிந்த வட்டாரங்கள் தெரிவித்தன.

கடந்த 2008-ஆம் ஆண்டு, நவம்பர் 26-ஆம் தேதி, மகாராஷ்டிர மாநிலம் மும்பையில் நிகழ்ந்த பயங்கரவாத தாக்குதலில் 166 பேர் உயிரிழந்தனர். லஷ்கர்-ஏ-தொய்பா பயங்கரவாத இயக்கம் நடத்திய இந்தத் தாக்குதலில், பாகிஸ்தானை பூர்விகமாகக் கொண்ட தஹாவூர் ராணா கூட்டுச் சதியில் ஈடுபட்டதாக குற்றஞ்சாட்டப்படுகிறது.