போர் நிறுத்தம்: ஹமாஸ் 'ஆக்கபூர்வ' பதில்

இஸ்ரேலுடனான 21 மாத காஸா போரை முடிவுக்குக் கொண்டு வருவதற்காக அமெரிக்கா முன்வைத்துள்ள போர் நிறுத்த வரைவுத் திட்டத்துக்கு ஆக்கபூர்வமான பதிலை வழங்கியுள்ளதாக ஹமாஸ் அமைப்பு அறிவித்தது.

- 

டேய்ர் அல்-பாலா, ஜூலை 5:

இதுகுறித்து அந்த அமைப்பு வெளியிட்ட அறிக்கையில் தெரிவிக்கப்பட்டது: பாலஸ்தீன பிரிவுகள் மற்றும் அமைப்புகளுடன் அலோசனைகளை மேற்கொண்ட பிறகு, மத்தியஸ்தர்களால் முன்வைக்கப்பட்ட 60 நாள் போர் நிறுத்தத்தை உள்ளடக்கிய வரைவு திட்டத்திற்கு நேர்மறையான பதிலை வழங்கியுள்ளோம்.

இந்தத் திட்டத்தை செயல்படுத்துவதற்கான பேச்சுவார்த்தைகளை உடனே தொடங்க தயாராக உள்ளோம் என்று அந்த அறிக்கையில் தெரிவிக்கப்பட்டுள்ளது.

இருந்தாலும், இந்த போர் நிறுத்தத் திட்டத்தில் சிறிய திருத்தங்களை ஹமாஸ் அமைப்பு கோருவதாக சில அரபு ஊடகங்கள் தெரிவித்தன. அவை இஸ்ரேல், கத்தார், எகிப்து மற்றும் அமெரிக்காவுக்கு ஏற்புடையதாக இருக்குமா என்பது தெளிவாகவில்லை.