இறுதியில் சபலென்கா-கௌஃப் மோதல்

பிரெஞ்சு ஓபன் டென்னிஸ் போட்டியின் மகளிர் ஒற்றையர் இறுதிச்சுற்றில், பெலாரஸின் அரினா சபலென்கா - அமெரிக்காவின் கோகோ கௌஃப் ஆகியோர் சனிக்கிழமை பலப்பரீட்சை நடத்துகின்றனர்.

- 

பாரீஸ், ஜூன் 6:

முன்னதாக அரைஇறுதியில், உலகின் நம்பர் 1 வீராங்கனையான சபலென்கா 7-6 (7/1), 4-6, 6-0 என்ற செட்களில், நடப்பு சாம்பியனும், உலகின் 5-ஆம் நிலை வீராங்கனையுமான போலந்தின் இகா ஸ்வியாடெக்கை தோற்கடித்தார். இந்த ஆட்டம் 2 மணி நேரம், 19 நிமிஷங்களில் முடிவுக்கு வந்தது.

இதையடுத்து, 3 முறை கிராண்ட்ஸ்லாம் சாம்பியனான சபலென்கா, முதல் முறையாக பிரெஞ்சு ஓபன் இறுதிச்சுற்றுக்கு முன்னேறியிருக்கிறார். அத்துடன், பிரெஞ்சு ஓபனில் ஸ்வியாடெக் தொடர்ந்து 26 ஆட்டங்களில் வென்றிருக்க, அந்தத் தொடர் வெற்றியையும் அவர் தற்போது முடிவுக்குக் கொண்டு வந்துள்ளார்.