இலக்கியத்திலிருந்து சாமானிய மக்கள் உத்வேகம் பெற வேண்டும்

இலக்கியத்திலிருந்து சாமானிய மக்கள் உத்வேகம் பெற்று தங்களது குறிக்கோள்களை அடைய முயல வேண்டும் என குடியரசுத் தலைவர் திரௌபதி வேண்டுகோள் விடுத்தார்.

- நமது சிறப்பு நிருபர்

புது தில்லி, மே 30:

குடியரசுத் தலைவர் மாளிகையும் மத்திய கலாசார அமைச்சகத்தின் சாகித்திய அகாதெமியும் இணைந்து, 'இலக்கியத்தில் ஏற்பட்டுள்ள மாற்றங்கள்' என்ற தலைப்பில் குடியரசுத் தலைவர் மாளிகையில் உள்ள கலாசார மையத்தில் முதன் முறையாக இரு நாள் இலக்கிய மாநாட்டை நடத்தின.

இந்த மாநாட்டில், நாடு முழுவதுமிருந்து எழுத்தாளர்கள், கவிஞர்கள், இலக்கியச் சிந்தனையாளர்கள் கலந்துகொண்டனர். இந்த இலக்கிய மாநாட்டில் குடியரசுத் தலைவர் திரௌபதி முர்மு பங்கேற்று உரையாற்றினார்.