சட்டவிரோத குடியேறிகளால் நமது வாழ்வாதாரத்துக்கு சவால்

ஜகதீப் தன்கர் கவலை

- 

மும்பை, மே 28: 'சட்டவிரோத குடியேறிகள் நமது வாழ்வாதாரத்துக்கு, தேசிய ஒருமைப்பாட்டுக்கு சவாலாக மாறியுள்ளனர்' என்று குடியரசு துணைத் தலைவர் ஜகதீப் தன்கர் புதன்கிழமை கவலை தெரிவித்தார்.

மும்பையில் உள்ள சர்வதேச மக்கள்தொகையியல் கல்வி நிறுவனத்தின் (ஐஐபிஎஸ்) பட்டமளிப்பு விழாவில் சிறப்பு விருந்தினராக கலந்துகொண்டு பேசிய அவர் இவ்வாறு கூறினார்.

மேலும், அவர் கூறுகையில், 'சட்டவிரோத குடியேறிகள் நமது எல்லையைத் தாண்டி ஊடுருவி வருவது, நட்டின் சட்டம் ஒழுங்குக்கு எழுகிற சவால் மட்டுமல்ல. நமது வாழ்வாதாரம் மற்றும் தேசிய ஒருமைப்பாட்டுக்கான சவாலும்கூட.

இந்த மக்கள் நமது தேசிய வளங்களை அதிக அளவில் பயன்படுத்துகின்றனர். நமது வேலைவாய்ப்புகளைப் பறிக்கின்றனர். இது நமது தேசிய பாதுகாப்பு மற்றும் இறையாண்மையைப் பாதிக்கிறது.