செயற்கை நுண்ணறிவு, தவறான தகவல்களால் அதிகரிக்கும் அச்சுறுத்தல்கள்

குடியரசுத் தலைவர் திரெளபதி முர்மு

- 

புது தில்லி, மார்ச் 20: செயற்கை நுண்ணறிவு, தவறான தகவல்களால் அதிகரித்துவரும் அச்சுறுத்தல்கள் குறித்தும் அவை ஏற்படுத்தும் விளைவுகள் குறித்தும் மக்களிடையே விரிவான விழிப்புணர்வை ஊடகங்கள் செய்ய வேண்டும் என்று குடியரசுத் தலைவர் திரெளபதி முர்மு வலியுறுத்தியுள்ளார்.

தில்லியில் 19-ஆவது ராம்நாத் கோயங்கா விருதுகள் வழங்கும் நிகழ்ச்சி புதன்கிழமை நடைபெற்றது. இதில், குடியரசுத் தலைவர் திரெளபதி முர்மு தலைமை விருந்தினராகக் கலந்து கொண்டு, தேர்வான ஊடகத்துறையினருக்கு விருதுகளை வழங்கினார்.

அரசியல், விளையாட்டு, புலனாய்வு இதழியல் மற்றும் பிராந்திய மொழிகள் உள்ளிட்ட 13 பிரிவுகளில் 20 தனித்துவ பங்களிப்புகளை வழங்கியோருக்கு ராம்நாத் கோயங்கா சிறந்த ஊடகப்பணிக்கான விருதுகளை இந்தியன் எக்ஸ்பிரஸ் குழுமம் வழங்கி வருகிறது.