பீகாரின் வாக்காளர் பட்டியலில் இருந்து 65 லட்சம் ஏழை மக்களின் பெயர்கள் நீக்கப்பட்டுள்ளன

பீகார் வாக்காளர் பட்டியலில் இருந்து ஏழைகள் மற்றும் சமூக ரீதியாக பலவீனமான பிரிவைச் சேர்ந்த 65 லட்சம் பேரின் பெயர்கள் நீக்கப்பட்டுள்ளதாக ராகுல்காந்தி குற்றம் சாட்டினார்.

- 

பீகார் மாநிலத்தில் வாக்காளர் அதிகார யாத்திரையை மக்களவை எதிர்க்கட்சி தலைவர் ராகுல்காந்தி நடத்தி வருகிறார். அதன் ஒரு பகுதியாக சீதாமர்ஹியில் நடந்த பேரணியில் நேற்று ராகுல்காந்தி பேசினார். அப்போது அவர் கூறுகையில், 'பீகார் மக்கள் பாஜ மற்றும் தேர்தல் ஆணையம் தங்கள் வாக்குரிமையை கொள்ளையடிக்க அனுமதிக்க மாட்டார்கள். அதனால் தான் பீகார் வாக்காளர் பட்டியலில் இருந்து ஏழைகள் மற்றும் சமூக ரீதியில் பலவீனமான பிரிவை சேர்ந்த மக்கள் 65 லட்சம் பேரின் பெயர்கள் நீக்கப்பட்டுள்ளன.