நாகர்கோவில் அரசு கலை அறிவியல் கல்லூரியில் வணிகவியல், கம்ப்யூட்டர் சயின்ஸ், பிபிஏ இடங்கள் நிரம்பின

நாகர்கோவில் அரசு கலை அறிவியல் கல்லூரியில் வணிகவியல், கம்ப்யூட்டர் சயின்ஸ், பிபிஏ இடங்கள் நிரம்பியுள்ள நிலையில் நேற்று நடந்த 3ம் கட்ட கலந்தாய்வில் 50 பேருக்கு சேர்க்கை வழங்கப்பட்டது.

- 

தமிழ்நாடு அரசு கலை மற்றும் அறிவியல் கல்லூரிகளில் 2025-26 கல்வியாண்டிற்கான மாணவர் சேர்க்கை ஆன்லைன் விண்ணப்ப பதிவு மே 7 தொடங்கி மே 27 வரை நடைபெற்றது.

மே 27 வரை விண்ணப்பிக்க தவறிய மாணவர்கள் மற்றும் துணைத் தேர்வில் தேர்ச்சி பெற்றவர்களுக்கு இரண்டாம் கட்ட விண்ணப்ப பதிவு நடைபெற்றது. தமிழ்நாட்டில் 176 அரசு கலை மற்றும் அறிவியல் கல்லூரிகள் உள்ளன. இவற்றில் சுமார் 1.07 லட்சம் இளநிலை பட்டப்படிப்பு இடங்கள் உள்ளன. சென்னை மாநில கல்லூரியில் 80 சதவீத இடங்கள் ஏற்கனவே நிரம்பிவிட்டதாக தெரிவிக்கப்பட்டது. பொதுப் பிரிவினருக்கான முதற்கட்ட கலந்தாய்வு ஜூன் 14 அன்று நிறைவடைந்தது. வணிகவியல், கணிதம், பொருளாதாரம், புள்ளியியல், உளவியல் போன்ற பிரிவுகளில் இடங்கள் முதற்கட்ட கலந்தாய்விலேயே நிரம்பிவிட்டன.