19 ஆண்டுகளாக தலைமறைவாக இருந்த கணவரின் 2வது மனைவியின் உறவினர் வீட்டில் பெண் தர்ணா

நாகர்கோவில் அருகே முதல் மனைவிக்கு தெரியாமல் இரண்டாவது திருமணம் செய்து 19 ஆண்டுகளாக தலைமறைவாக இருந்த கணவரின் 2வது மனைவியின் தங்கை வீட்டு முன்பு மனைவி தர்ணா போராட்டம் நடத்தினார்.

- 

நாகர்கோவில் அடுத்த மேலகிருஷ்ணன் புதூர் பகுதியை சேர்ந்தவர் அமுதா (48). இவருக்கும் ஈசாந்திமங்கலம் பகுதியை சேர்ந்த வேன் டிரைவருக்கும் 2005ம் ஆண்டு திருமணம் நடைபெற்றது. திருமணத்தின் போது, 65 சவரன் தங்க நகை மற்றும் சீர்வரிசை பொருட்கள் அமுதாவின் பெற்றோர் கொடுத்துள்ளனர். திருமணம் முடிந்து 3 மாதங்கள் மட்டுமே அமுதாவுடன் வேன் டிரைவர் குடும்பம் நடத்தியுள்ளார். இதில் அமுதா கர்ப்பம் அடைந்தார். இந்த நிலையில் திடீரென அவரது நகை, பணம் ஆகியவற்றை எடுத்து விட்டு வேன் டிரைவர் மாயமாகி விட்டார்.