தமிழக பள்ளிகளில் கோச்சிங் சென்டர்களுக்கு தடை

மாநில கல்விக்கொள்கை குழு பரிந்துரை

- 

தமிழ் நாட்டில் பள்ளிகளில் நடைபெறும் பயிற்சி மையங்களுக்கு (கோச்சிங் சென்டர்) தடை விதிக்க வேண்டும் அல்லது வரையறை செய்ய வேண்டும் என மாநில கல்விக் கொள்கை குழு தமிழ்நாடு அரசுக்கு பரிந்துரை செய்துள்ளது. தமிழ்நாடு மாநிலத்திற்கு ஏற்ப பிரத்யேக மாநில கல்விக் கொள்கையை உருவாக்க அமைக்கப்பட்ட குழு இந்த பரிந்துரையை முன்னெடுத்துள்ளது.

தேசிய கல்விக் கொள்கையில் 3 மொழிக் கொள்கை, 3, 5, 8ம் வகுப்புகளுக்கு பொதுத்தேர்வு, கல்லூரி நுழைவுத் தேர்வு ஆகியவை இடம்பெற்று இருந்தது. மேலும், தேசிய அளவில் ஒரே மாதிரியான கல்விக் கொள்கையை பின்பற்ற வேண்டும் என்ற நோக்கத்துடன் அமல்படுத்த தப்பட்டது. தேசிய கல்விக் கொள்கைக்கு பாஜ அல்லாத கட்சிகள் ஆளும் மாநிலங்களில் இருந்து எதிர்ப்பு தெரிவிக்கப்பட்டது. குறிப்பாக, தமிழ்நாட்டில் அமல்படுத்த மறுப்பு தெரிவிக்கப்பட்டது.