புரசைப்புரவு பணிகள் தீவிரம் நாகர்கோவிலில் வளாகத்தில் பழுதான கட்டிடத்தை அகற்றவேண்டும்

நாகர்கோவிலில் பிரசித்தி பெற்ற நாகராஜாகோயில் உள்ளது. பல்வேறு மாவட்டம், மாநிலங்களில் இருந்து பக்தர்கள் இங்கு வந்து தரிசனம் செய்து செல்கின்றனர். இந்த கோயில் கும்பாபிஷேக பணிக்காக தற்போது புனரமைப்பு பணிகள் நடந்து வருகிறது. கோயிலில் கிழக்கு, தெற்கு என இரு வாசல்கள் உள்ளன. தெற்கு பகுதியில் குமரி மாவட்டம் திருவிதாங்கூர் சமஸ்தானமாக இருந்தபோது மகாமேரு மாளிகை கட்டப்பட்டது.

- 

மகாமேரு மாளிகை மரத்தால் செய்யப்பட்ட அரண்மனை முகப்பு போன்று இருக்கும். தற்போது கோயிலுக்கு வரும் பக்தர்கள் தங்களது வாகனம் மூலம் இந்த மகாமேரு மாளிகை வழியாக கோயில் வளாகத்திற்குள் வருகின்றனர். கோயில் வளாகத்திற்குள் வரும்போது கோயிலின் இடது புறம் அன்னதான மண்டபம் உள்ளது. கடந்த 15 வருடத்திற்கு முன்பு அந்த அன்னதான மண்டபம் திருமண மண்டபமாக செயல்பட்டது. இந்த திருமண மண்டபத்தையொட்டியும், மகாமேரு மாளிகையையொட்டியும் திருமண விழாக்கள் முடிந்து உணவு உண்பதற்காக தனியாக உணவு கூடம் அமைக்கப்பட்டு இருந்தது.