முதலமைச்சரின் விரிவான மருத்துவ காப்பீடு திட்டத்தில் 37,445 அங்கீகரிக்கப்பட்ட அட்டை

அமைச்சர் மா.சுப்பிரமணியன் தகவல்

- 

முதலமைச்சரின் விரிவான மருத்துவ காப்பீடு திட்டத்தின் கீழ் 37,445 அங்கீகரிக்கப்பட்டுள்ள அட்டைகள் வழங்கப்பட்டுள்ளதாக அமைச்சர் மா.சுப்பிரமணியன் கூறினார்.

சென்னை மாநகராட்சி, சோழிங்கநல்லூர் மண்டலம், கண்ணகிநகர் அரசு மேல்நிலைப்பள்ளி வளாகத்தில் நடந்த 'நலம் காக்கும் ஸ்டாலின்' மருத்துவ முகாமை மருத்துவம் மற்றும் மக்கள் நல்வாழ்வுத்துறை அமைச்சர் மா.சுப்பிரமணியன் நேற்று ஆய்வு மேற்கொண்டார். பின்னர் அவர் நிருபர்களிடம் கூறியதாவது:

முதல்வர் மு.க.ஸ்டாலின் கடந்த ஆகஸ்ட் மாதம் 2ம் தேதி சென்னையில் 'நலம் காக்கும் ஸ்டாலின்' என்கின்ற திட்டத்தை தொடங்கி வைத்தார். இது தமிழக மக்களிடம் நல்ல வரவேற்பை பெற்றுள்ளது. அந்த வகையில் தமிழ்நாடு முழுவதும் 21வது வாரத்தில் 26வது முறையாக இன்று முகாம்கள் நடைபெற்று வருகிறது.