அதிர்ச்சி தந்த தயிர் வடை!

நண்பருடன் கோவையில் இருந்து சென்னைக்கு, காரில் வந்து கொண்டிருந்தேன். அப்போது வழியில் ஒரு உணவகத்தில் உணவு ருந்தி விட்டு செல்லலாம் என்று காரினை அந்த உணவகத்தில் நிறுத்தி சாப்பிட சென்றோம். உணவினை அருந்திவிட்டு கையில் மூன்று செட் தயிர் வடையினை பேக்கிங் செய்து வாங்கிக் கொண்டு கிளம்பினோம்.

- 

ஒவ்வொரு செட்டிலும் இரண்டு இரண்டு வடைகள் இருந்தன. அவைகளில் ஒரு செட் வடையை நானும் நண்பரும் சாப்பிட்டோம். இன்னொரு செட் வடையை வண்டியை செலுத்தி வந்த ஆக்டிங் ஓட்டுநருக்கு தந்தோம். மீதி வடையை காரின் பின் சீட்டில் வைத்துவிட்டோம். அதன் பிறகு நாங்கள் பயண சுவாரஸ்யத்தில் இருந்ததால் காரின் பின்னால் வைத்திருந்த தயிர் வடையைப் பற்றி மறந்தே விட்டோம்.

ஊருக்கு வந்த பிறகு மறுநாள் திருமண விசேஷம் இருந்தது. அதனால் நானும் என் நண்பரும் மறுநாள் திருமணத்திற்கு சென்று விட்டு வீடு திரும்பினோம். ஏற்கனவே பயணம் மேற்கொண்டிருந்ததால், கார் முழுவதும் சேறாக இருந்தது. அதனால் என் நண்பர், கார் ஒரே சேறாக இருக்கிறது. அதனால் என் மகனிடம் கொடுத்து அதை சர்வீசுக்கு அனுப்பி வைக்க வேண்டும் என்று சொல்லிக் கொண்டே வந்தார். திருமணம் முடித்துவிட்டு அவரும் என் வீட்டில் விட்டு விட்டு சென்றுவிட்டார்.