சிறுமியிடம் பாலியல் சீண்டல் - போக்சோ குற்றவாளிக்கு 3 ஆண்டு சிறைத்தண்டனை

கடந்த 2019-ம் ஆண்டு, நெல்லை மாவட்டம் நவ்வலடி கிழக்கு தெருவை சேர்ந்த ரமேஷ் (வயது 40) என்பவர் பள்ளி மாணவியிடம் பாலியல் சில்மிஷம் செய்ய முயற்சி செய்து மிரட்டல் விடுத்துள்ளார். இதுகுறித்து சிறுமியின் தரப்பில் உவரி காவல் நிலையத்தில் புகார் அளித்ததன் பேரில், உவரி காவல்துறையினர் விசாரணை மேற்கொண்டு ரமேஷ் மீது போக்சோ சட்டத்தின் கீழ் வழக்குப்பதிவு செய்து கைது செய்தனர்.

- 

இவ்வழக்கு விசாரணை திருநெல்வேலி மாவட்ட போக்சோ சிறப்பு நீதிமன்றத்தில் நடைபெற்று வந்த நிலையில், நீதிபதி சுரேஷ்குமார் வழக்கை விசாரித்து, நீதிமன்ற விசாரணை முடிவுற்ற நிலையில், குற்றச்சாட்டுகள் நிரூபிக்கப்பட்ட நிலையில், நேற்று (25.6.2025) ரமேஷிற்கு, 3 ஆண்டுகள் சிறை தண்டனை விதித்து தீர்ப்பளித்தார்.