ஜவ்வாதுமலையில் எஸ்எப்ஆர்டி மேல்நிலைப்பள்ளி நேரில் பார்த்து வியந்தார் கவர்னர் ஆர்.என்.ரவி

திருவண்ணாமலை மாவட்டம் ஜவ்வாதுமலை கல்வி வளர்ச்சி, பொருளாதார வளர்ச்சி என எல்லாமே பின்தங்கிய நிலையில் இருந்தது.

- 

ஜவ்வாதுமலையில் வனத்துறை, ஆதிதிராவிடர் நலத்துறை, கல்வித்துறை என பல துறைகள் மூலம் ஏராளமான பள்ளிக்கூடங்கள் இருந்தாலும் அந்த காலகட்டத்தில் அங்கிருந்த பல்வேறு பிரச்னைகள் காரணமாக கல்வி வளர்ச்சி எதிர்பார்த்த அளவுக்கு வளர்ச்சி பெறவில்லை, கல்வி வளர்ச்சி இல்லாததால் பொருளாதார வளர்ச்சி வேலைவாய்ப்பு போன்றவை எட்டா கனியாக இருந்தது. இந்த நிலை மாற யாராவது வரமாட்டார்களா என அந்தப் பகுதி மலைவாழ் மக்கள் எதிர்பார்த்த நிலையில் கடந்த 35 ஆண்டுகளுக்கு முன்பு ஜமுனாமரத்தூர் அடுத்த குளிகாந்தூர் கிராமத்தில் எஸ்எப்ஆர்டி என்று சொல்லப்படும் கிராம வளர்ச்சி தொண்டு நிறுவனம் தொடங்கப்பட்டது.